Aldundiaren laguntzarekin, merkataritzarako aholkularitza jarraituko du

 

Bizkaidendak COVID-19ren krisiak eragindako merkataritza, ostalaritza eta zerbitzu enpresa bizkaitarrei aholkularitza integrala ematen jarraituko du. Zerbitzu horrek Bizkaiko Foru Aldundiko Ekonomia Sustapen Sailaren laguntza du.

 

Pandemia hasi zenetik eta maiatzaren 21era arte, bulegoak 2.800 kontsulta ingururi erantzun die, eta honako arlo hauetan eragin berezia izan du: jarduera etetea; ERTEen kudeaketa; finantza-operatiboa; hornitzaileekiko harremana; alokairurako laguntzak; elektrizitatean eta gasean aurreztea; segurtasun-protokoloak eta deseskalatze-faseen araberako aplikazioa; gizarte-larrialdietarako laguntzak eta DSBE.

 

Sektoreari, baina baita aholkularitzei, udalei eta garapen-agentziei ere, zuzeneko aholkularitza eman zaien beste gai batzuek gizarte-kotizazioekin eta gizarte-segurantzako atzerapenekin; online salmentarako aholkularitzarekin eta merkataritza-eskaintzekin zerikusia izan dute.

 

Jasotako kontsulten %39 Bizkaidendei atxikitako establezimenduetatik zetorren. Datu hori, Aldundiarekin batera martxoan hautemandako zeharkako aholkularitzaren beharraren egiaztapen gisa interpretatzen da, bai eta asoziazionismoaren indarraren froga gisa ere; izan ere, elkartekide diren kolektiboek laguntza-esku-hartze gutxiago behar dute Bizkaidendak eta tokiko zerbitzu teknikoen bidez aldez aurreko informazioa izatean.

 

Zerbitzuaren kontsulten %20 Bilbokoak dira, eta gainerakoak 44 udalerritan banaturik daude. Autonomoen kontsulten %83 dira, eta gainerakoak enpresa txikietatik zetozenak.

 

Kontsulten %33 zerbitzu-jardueren titularrenak dira, %29 merkataritzakoak eta %14 ostalarienak. Halaber, kontsulten %16 elkarteetako talde teknikoek eta zuzendariek egin zituzten, eta %8 Bizkaiko udalek eta garapen agentziek.

 

Berraktibazio-politikak definitzeko informazio interesgarria

 

Kontsulta horien datuek gainera, proposamen anitzetarako gida gisa balio izan dute, eta pixkanaka ezarri dira Aldundian, Eusko Jaurlaritzan eta Estatuko Administrazioan. Hala, hainbat proposamen zehaztu dituzte, hala nola pizgarri-bonuak, jarduera mantentzeko zuzeneko laguntzak eta lan-kontratuak.

 

Bulegoak irekita jarraitu nahi du sektoreak behar duen bitartean, bere kontsultei doan erantzunez https://www.facebook.com/Bizkaidendak-Elkartea-110040317152900/ eta https://www.instagram.com/bizkaidendak/ esteken bidez, bai eta bizkaidendak.covid19 @gmail.com helbidean ere. Halaber, zuzeneko arretarako telefonoa astelehenetik ostiralera, 9etatik 15etara, 94 405 00 19 eta 688 767 758 zenbakietan.